RSS     Despek
ماڵه‌وه‌| هه‌واڵ| وتار| دیمانه‌| ئه‌ده‌ب‌وهونه‌ر| نووسه‌ران| له‌ مێدیاکانه‌وه‌‌| رۆژهه‌ڵات‌تایمز و خوێنه‌ران| په‌یوه‌ندی
24 April 2014
نوسه‌ران
بگه‌رێوه‌| ناردن بۆ دۆستان‌| چاپ| 2880 جار بینراوه‌| 49 بۆچوون|
avatar

رەسوڵ سوڵتانی

من و پوورم و هه‌ڵبژاردن

13 Mar 2011
رەسووڵ سوڵتانی
پوورێكم هەیە سەری زۆر لە سیاسەت و میاسەت و شتی وا عەیب نەبێ دەخورێ بەڵام هیچی لێ نازانێ بۆیە بەسەری بابم لێرەبایە دەبوو بەكۆمیتە ناوەندی! ئەوێ شەوێ تەلەفۆنی بۆ كردم و ئەحواڵی پرسیم. منیش ئەخلاقێكی قۆڕم هەیە هێندێ دیالۆگ و شتی وا كە پێم خۆش دەبێ خەزنی دەكەم. دواتر پێم حەیف بوو ئەو دیالۆگەی نێوان خۆم و پوورم دانەبەزێنم.
ئەلۆ فەرموو:
ـ حەمە رەسووڵ منم پوورتم....
ـ پووووورێ گیاااااان، سڵاو ئەوەبۆ وا بێدەنگی....
ـ كوڕە دوێًنێم تەلەفۆن بۆ نەكردی هەتیوە؟ ئەوە خەریكی چیی هەر ئاگات لەو تەلەفۆنەت نییە؟ هەر خۆت لە كۆڵ ئەو حیزبە نەكردەوە؟
ـ نە بەخوای پوورێ نەمتوانی. حیزبایەتی وەك بیلامانێ دەردە پیسەكە وایە تووشی بي بۆت تەرك نابێ...
ـ دەباشە دمت لێك نێ دەزانم بەتەمای سەری قسان بكەیتەوە بۆ قسەی قۆڕ. بڕێك باسی حیزبەكەتانم بۆ بكە بزانم خەریكی چین؟
ـ وەڵڵا خەریكی كۆنگرەین....
ـ ئەیەڕۆ كونی چی دەگرن؟ رۆڵە كەلێنەكانتان پڕ كەنەوە واز لە كونان بێنن....
ـ كچێ پوورێ كۆنگرەیە كوونگرە نییە بۆ دەڵێی گوێت گران بووە.
ـ دەی باشە ئەوە دامنا و گرتتان چیی تێدا دەكەن؟
ـ پوورێ كۆمیتەی ناوەندی هەڵدەبژێرین...
ـ حەك رووت رەش بێ حەمە رەسووڵ. گوتم ئەو حیزبە بڕێك بەئەدەبت دەكا. رۆڵە ئەوە تۆ نازانی قسەی قۆڕ و ناشیرن نەكەی؟
ـ كچێ پووڕێ كام قسەی ناشیرین؟
ـ ئەوەنییە باسی كۆ میت..و شتی وا دەكەی. جا رۆڵە لە میت... عەیبتر....
ـ پوورێ بەخوای خراپ لە خەوێ هەستاوی. من باسی كۆمیتە دەكەم كۆمیتە، كۆمیتەی ناوەندی، ئەوە بەخێر تۆ پوورە باسەوادەكەمی. میتە و میت... لێك ناكەیەوە.... كۆمیتەی ناوەندی واتە رێبەرایەتیی حیزب. رێبەرایەتی هەڵدەبژێرینەوە.
ــ دەباشە باشە، خراپ حاڵی بووم بۆ بە كێوم دا دەكەی دەم شڕ. دەی جا رێبەرایەتیی حیزب بەتۆ چی حەمە گیان. ئەتۆ چ كارت بەو شتانەیە. تۆ چ دەزانی لە قسەی قۆڕ زیاتر؟
ـ بەخوای پوورێ زۆر سادەی زۆر. جا ئەوە زانینی دەوێ؟
ـ ئەی قوڕم وەسەر، جا ئەوە نەیەوێ چ دەیەوێ؟
ـ پوورێ گیان، جوان گوێ بدەیە له‌وێ کۆمه‌ڵێک که‌سی زۆر باشی تێدان زۆریش تێگه‌یشتوون، هه‌ر ئه‌و حه‌وت هه‌شت که‌سه‌ هه‌بن به‌سسه‌، پێی ناوێ هه‌موومان له‌ ئاستێکی به‌رزدا بین. حه‌وت هه‌شت که‌س به‌سه‌ بۆ ته‌حلیلی سیاسی و شتی وا ئه‌وانه‌ش پیاوی وه‌ک منیان ده‌وێ ئه‌وجار موعجیزه‌یه‌ک روو ده‌دا تۆ لێی ئاگادار نی. ناچارم بۆتی شی بكەمەوە و لەبنی كوولەكەكەتی بدەم. تۆ كە دەنگت هێنایەوە هەر لەوێ، بە حوكمی ئەو خودایە، ئەوەندەی یەك و دوو، بەكونفەیەكوونێك، مێشك دەبێتە مێشكێكی دیكە. لە نەكاو چیی زانستی ئەو دنیایەیە دێتە نێو مێشكت. پێویست بە كتێب و متێبان ناكا. هەر بوویە كومیتە ناوەندی، یانی هەر ناوت خوێندرایەوە و گوتیان دەنگت هێناوەتەوە، بزەیەكی شیرنت دێتە سەر زاری، ئەو بزەیە نیشانەی خۆشحاڵی نییە. مێشكێكی دیكە لە غەیبەوە دێتە نێو كەللەت. كتوپڕ دنیا لەبەر چاوت دەگۆڕدرێ. ئەو خەڵكەی لە تەنیشتت راوەستاون، باڵایان هێندەی چڵەنۆكێكی لێ دێتەوە و دەتوانی پێ لەسەر تەپڵی سەریان دانێی. بچووك دەبنەوە سەیر بچووك. هێزێك دەخزێتە شان و بازووت بڕێك لە هێزی گەردوون كەمتر. دەتوانی هەموو ئەو خەڵكە لەسەر قامكێك بسووڕێنی. دەتوانی نان بدەی، نان ببڕی. لە چلەی زستانێدا دەتوانی سۆپەكانیان بێ نەفت و لە چلەی هاوینێدا تەنكییەكانیان بێ ئاو بكەی....
ئەتۆ بەمن دەڵێی چیی دەزانی: با پێت بڵێم: كە تۆ بوویە كۆمیتەناوەندی كۆمپیتەر هێندەی بەستنی دۆخینی پاتۆڵێك لەبەرچاوت سادە دەبێتەوە. ئیتر تۆ لەو ساتەوە دەتوانی گاڵتەت بە هەموو موهەندیسە كۆمپیتەرەكانی ئەمریكا و ئەورووپا بێ. هەر فشەت پێیان دێ. نازانم ئەو هێزە چییە. ئاوات لێ دێ پوورێ.
لە نەكاو دەبیتە سەعات ساز. دەبیتە نەققاش. دەبیتە گرافیست. جا چ گرافیستێك! لە هەموو گرینگتر دەبیتە سیاسەتوان.... زۆر شتی دیكە هەیە لە پشت تەلەفۆن نابێ باسیان بكەین نەكا دوژمن و نەیاری حیزبەكەم گوێیان لێ بێ و پێمان خۆش بن. ئەمن هەر باسی لایەنە باشەكانی حیزبەكەم دەكەم.
ــ جا حەمە رەسووڵ ئەتۆ كوا دەنگ دێنێوە؟
ـ ئا، ئا، دڵنیام پوورێ دەزانی بۆ:
A: ماوەیەك لە باڵەكەی ئەوبەر بووم، ئەوكات بەكەیفی خۆم جنێوم بەوانە دەدا كە ئێستا بە ئیستیلاح هاوڕێمن و له‌ ناویان دام. جا خەڵكی ئاوا لە نێو هەموو حیزبێكی دنیادا زۆر خۆشەویستن. خه‌مت نه‌بێ هەر ئەندامەكانی پێشووی رێبەری بۆخۆیان دەنگم بۆ كۆ دەكەنەوە.
B: ئەوە مانگێكە ماڵ بە ماڵ دەگەڕێم و لە ئەحواڵیان دەپرسم. ئەوەش دەوری خۆی هەیە.
C: هەوڵم داوە لە كۆنفرانسەكاندا ئەو كەسانە سەربخەین كە دەزانم قامكیان لەبن دەستی خۆم دایە و بە كۆنتڕۆڵ و باتریی خۆم كار دەكەن و نەشمهێشتووە خەڵكی ناوچەكەی خۆمان دەنگ بە خەڵكی هیچ ناوچەیەكی دیكە بدەن. جومهووری خۆمم سەرخستووە.
D: ئەوجار كابرایەكی بێدەنگیشم و رێبەرییە كۆنەكە دەزانن لە پلینۆمەكاندا چۆنی بفەرموون ئاوا دەنگ دەدەم.
E: لە هەمووانیش گرنگتر ترسی ئەوەشیان هەیە پاڵ وە لەتەكەی دیكە بدەمه‌وه‌.
ـــ جا رۆڵە ئەوەندەت دڵی خۆت خۆش كردووە، ئەوە هات و گا گووی نەكرد و هەڵیان نەبژاردی؟
ـ ئەوەش نەبێ دەمكەنە جێگر...
ـ جا بۆ نان خۆری جێگرتان زۆر که‌مه‌، ئەتۆش جێ گر بی؟ كوڕە كارێك بۆ ئەو حیزبە لێقەوماوە بكەن. خۆ ئاوا بڕوا هەر هەمووتان ده‌بنه‌ نانخۆری جێگر.
ـ پوورێ جێگر، لە فارسیدا شتێكە وەك موعاوین. واتە ئەگەر یەكێكیان لە ئەندامانی كۆمیتەی ناوەندی دەرپەڕی و چووە دەرەوەی وڵات، ئەمنی لە جێی دادەنێن.
ـ ئەها تێگەیشتم. بەڵان خۆ هەرتۆ جێگر نابی. بەشكم جێگرێكی دیكەیان دانا؟
ـ نا، خەمت نەبێ هەر خۆم دادەنێن. دەزانی بۆ؟ ناوێرم هەموو شتێكت پێ بڵێم بەڵام ئەمن خزمایەتییەكی باشم لەگەڵ یەكێك هەیە ناوی ناهێنم لەسەر تەلەفۆن. بەخوای لەبەر ئەوە هەر خۆم دادەنێن. دەنا هەر كەس دانانێن.
ـ باشە ئەی ئەگەر دەنگت نەهێنایەوە بۆ جێگری؟
ـ پوورێ دەبمە راوێژكار؟
ـ ئەی قوڕم بەسەری كاوێژكار چییە؟
ـ پوورێ حەیام مەبە. راوێژ واتە را و تەگبیر. راوێژكاریش ئەو كەسەی تەگبیری پێ دەكەن.
ـ باشە زۆر زان. تێگەیشتم. بەڵان خۆ تۆ هیچ نازانی. را و تەگبیرت چۆن پێ دەكەن؟
ـ پوورێ خەریكە وەڕەزم دەكەی. كوڕە ئەو شتانە زانینیان ناوێ نا. ئەو راوێژكارییە هەر نایەوێ. ئەوە فێڵێكی سیاسییە دایانناوە بۆ ئەوانەی لە كۆنگرە دەنگ ناهێننەوە و دەیانەوێ بتۆرێن. یان یەك دوو مانگ نەیەنەوە سەر كارەكانیان دەیانكەنە راوێّژكار. خۆ پرسیشیان پێ بکه‌ن هیچیان به‌ قسه‌ ناکه‌ن. بڕوات بێ زۆر گوناحن.
ـ جا ئەی بۆ دڵت پێی خۆشە؟
ـ كوڕە چووزانم ئەی لەو بێكارییەدا دڵمان بەچی خۆش كەین؟
ـ باشە ئاخر پرسیارم حەمە دەم رووت، ئەگەر نەكرایە ئەوەش؟
ـ جا چییە! ئی وا هەبوو دەیویست ببێ بە سکرتێر بەڵام نەبوو بە راوێژکاریش. ئەمنیش دەچم تەلەڤزیۆنێك دادەنێم. بە كەیفی خۆم چیی حەزم لێ بێ بەیانی دەكەم. لە بەیانییەوە تا ئێوارێ، هەر بەیانی دەكەم. چییم پێخۆش بوو به‌یانی ده‌که‌م. هەرچی لە رابردوودا بڕوام پێی نەبووە و قەتیش بڕوای پێناهێنم لەوێوە دەیڵێم و مێشكی سەری خەڵك دەبەم. ئەوە دەشبینی. بۆ وێنە، ئەتۆ باش دەزانی ئەمن لە لەتبوونی حیزبدا شاگەشكەبووم پێموابوو دەبمە سكرتێر. وانەبوو؟
ـ با وابوو...
ـ دەی لە تەلەڤزیۆنەكەمەوە ئەمجارە باسی یەكگرتنەوە دەكەم و نەفرەت لە دووبەرەكی دەكەم. كێ بە كێیە.... بەس پێشنیارێكم هەیە پوورێ...
ـ ئا، دەی...
ـ بازاڕی ژنان گەرمە بۆ رێبەری، هیچی ناوێ، وەرە خۆت كاندید بكە. بە كاحەمەڕەشیدی مێردت بڵێ هێندێ وتار و متارت بۆ تەرجەمە بكاتەوە بڵاویان بكەوە، بڕێك شتی سیاسی لێ فێربە و باسی سیمون دو بوار و شتی واش بكەی دەنگت بۆ كۆ دەكەینەوە. ئێمە هەموومان لایەنگری ژنانین...
ـ كوڕە لەوەی گەڕێ حەمە بەخوای رۆن و پیوازەكەم سووتا، خودا حافیز....
ناردن بۆ تۆڕه‌ کۆمه‌ڵایه‌تی‌یه‌کان
Facebook| My Yahoo| Twitter| google| Balatarin Balatarin
خالق خۆرشیدی|19 Jan 2012 - 15:12
دەستکانت خۆشبیت قەلەمت هەروا بە برشت بیت کاک رەسول .ئەوندە دەلیم ئەوانەی بوونە ریبەیایەتی کۆنگرەی ١٥ حدک چەند کەسیکیان ئەوتوانایەیان هەیە ئەوانەدیکە نە سەواد وخویندەواری ،قەلەمی تۆیان نیە.رۆژنامەکوردستان و کورد کانال دو راگەیاندنی سەر بە ح.د.ک راستی دروستی لیاقەت و توانایی ئەووانەمان بۆ دەر دەخا کە بوون بە ریبەری،پیویست ناکا ناوی کەس بین .بەئەندامانی حیزب وخەلکی کوردستان لەو بارەوە قەزاوت بکەن.
سوران|19 Jan 2012 - 12:15
زور جوان بو كاكه
osman|19 Jan 2012 - 09:29
بە داخەوە ئێستاش کۆمەڵە خەڵێکمان هەیە، نە حاڵێ دەبن لە چیرۆک و تەنز نووسین و نە لە ماستاکردنش تێر دەبن، پێیان وایە ئێستاش دەبێ بە کەیفی وان هەموو شتێک بگوترێ
وەک خۆم دەست خۆشی کاک رەسووڵ دەکەم و پێم وایە نووسراوەی زۆر پڕ معنا و بە
ئەدەب و جوانە.

ع. نۆباری
داود ئازادفەر|19 Jan 2012 - 08:45
تەنزی سیاسی قالبێکی ئەدەبییه که سەرەرای بزه ، فکری خوێنەر بۆ زۆر بابەتی هەستیار رادەکێشێ .یانی نوسەر تێدەکۆشی وێنەی راستێکان لە مێشکی خوێنەر بکێشێتەوە بۆ ئە وەیکە بیرو رای گشتی بتوانیێ خۆی هەڵسەنگاندن بکات. دەبێ بڵێم کاک رەسوول لەو بابەتەدا زۆر سەرکەوتویانه توانیوێتی ئەو تواناییەی قەڵمی خۆی نیشان بدات.دەستت خۆش بێ بە هیوای بەردەوام بوونت.
kochar|16 Jun 2011 - 08:43
barasti babateki wana dast xosh kak rasul sultani ,la rastida esta la kurdistan hamw hizbakan awayan lehatwa
هه‌مزه‌ ئاگوشی|10 Jun 2011 - 07:20
حه‌مه‌ره‌سووڵ كیان سلاو! ده‌ستت خۆش بێ و نووسینه‌كه‌ت ته‌نزێكی زۆر خۆماڵییه‌، به‌ڵام باوه‌رت هه‌بێ من حه‌سوودی به‌و پوورانه‌ی تۆوه‌ ده‌بم كه‌ ئاوا سووژه‌ت بۆ دروست ده‌كه‌ن، ئای له‌ خۆم بێ پوورێ.
galawej|25 Apr 2011 - 05:57
barasty barasty shtakat drwstn.
ناسر چەورۆکە|18 Apr 2011 - 12:33
تەنزێکی دەقیقە ... دەست خۆش هەڵبژاردنی کاراکتێر و دیالۆگەکان زۆر جووتن و زۆر خۆماڵین ....هیوادارم ئەو شێوە نووسینە درێژە بدەی ، ئەمەیان بەپێز ترە و ئاوا شانسی کۆمیتە ناوەندیت زیاترە ... بە هەجو نووسین رێبەڕایەتی زۆر تاریفت بکەن دەڵێن جنێفرۆش و دمشڕ ،،، بەڵام بەو شێوە تەنزە بنووسی دەڵێن قەڵەمی توندە
جارێکی تر دەست خۆش و ماندوو نەبی
afrasyab grami|18 Apr 2011 - 00:19
slaw kak resuli xoshewist. Qelemt rengin bet. Tenzeki jwane. Purisht temen drej bet. Hiwam tendrustit u serkewtint
هەنار هەورامی|8 Apr 2011 - 05:19
سلاو هاورێ قەڵە م رەنگینە کە م ، هیوادارم هەمیشە سەر کەوتووبی .
سه‌لاح solo Papula|26 Mar 2011 - 16:29
ده‌ستت خۆش بێت مامه‌ ڕه‌سووڵ
به‌ڕاستی جوان و به‌ مانا بوو به‌شکوم هێندێک که‌س ده‌ست له‌و قونهه‌ڵکڕێنه‌یه‌ هه‌ڵگرن بزانن که‌ چاومان له‌ ده‌ستیان هه‌یه‌ ...
ڕه‌سووڵ سوڵتانی|16 Mar 2011 - 04:12
کچێ به‌سێ سێ به‌ سێ ته‌ڵاقم که‌وتبێ نه‌مزانی کورد ژنه‌ بۆچوونننوسی ئاوا ئازای هه‌یه‌

به‌خوای راستیش ده‌که‌م ئێمه‌ هه‌موومان کۆنه‌په‌رستین له‌و باره‌وه‌ له‌ دووت ده‌ده‌م به‌سه‌ری بابم

به‌ڵام تۆخوا به‌سێ فێڵم لێ مه‌که‌ ئه‌و بۆچوونه‌ بۆخۆت نووسیوته‌ یان مێرده‌ ئازیزه‌که‌ت؟

کوڕه‌ چووزانم به‌سێ
حیزبایه‌تی ئه‌و ئاوه‌ت بۆ ده‌ڕێژێ له‌ خۆڕا لاف و گه‌زافی هێندێ شتان لێ بده‌ین به‌سێ گیان

به‌ڵام به‌سێ قسه‌ی خۆمان بێ ئه‌و وسانه‌ هاوسه‌ره‌که‌ی جه‌نابت ناگرێته‌وه‌ کوڕه‌ من باشی ده‌ناسم هه‌ر ئه‌وه‌نده‌ی هێشتوویه‌تی تۆ فێری ئینته‌رنێت و شتی وا بی و ده‌م له‌ ده‌می پیاوان بنێی و جوابه‌جه‌نگێیان بکه‌ی ئیتر دیاره‌ زۆر بیر کراوه‌یه‌.
به‌ڵام به‌سێ
به‌ سێ هه‌زار و سێ سه‌د و سێ پێغه‌مبه‌ر قسه‌کانی تۆش وه‌ک قسه‌ی مامه‌ ره‌سوو راستن

به‌هه‌ر حاڵ به‌سێ گیان

نێوه‌ خۆشه‌که‌ت وه‌بیر ئه‌و شێعره‌ی ماملێی خستمه‌وه‌ که‌ ده‌ڵێ

ئای به‌سێ عه‌مرم به‌سێ
دووت کردووه‌ به‌یکه‌ به‌سێ
به‌سێ له‌به‌ر بێڵایه‌ دانیشتووه‌
ته‌شی ده‌ڕێسێ

به‌سه‌ری بابم زانیبای به‌سێی وه‌ک تۆ بیرمه‌ند په‌یدا ده‌بێ له‌بری ته‌شی رستن ده‌یگوت
ئای به‌سێ عه‌مرم به‌سێ
دووت کوشووه‌ مه‌یکه‌ به‌سێ
به‌سێ له‌ پشت کۆمپیته‌ر
دانیشتووه‌ بۆچوون ده‌نووسێ

به‌هه‌ر حاڵ به‌سێ گیان 5 شه‌ممه‌ له‌ قه‌ڵا ده‌تبینمه‌وه‌ به‌لآم تۆسه‌ری بابت نێوچاوان تێک مه‌نێ وه‌ڵڵاهی له‌گه‌ڵ تۆم نه‌بوو
به‌و خوایه‌ به‌سێ گیان
هه‌ر لێی گه‌ڕێ کۆنگره‌یه‌ خه‌ته‌ره‌ به‌سێ
به‌سێ|16 Mar 2011 - 00:21
کاک ره‌سو تۆزێک حورمه‌تی پوورت بگره‌ له‌به‌ر له‌به‌ر دایکت. تۆ بۆخۆت ده‌ردێکی دیکه‌ت هه‌یه‌ برا پووری بێچآره‌ت بۆ وا به‌ نه‌زان و گێژ و گه‌مژه‌ ده‌ناسێنی .
شتێکی دیکه‌ش ، ببووره‌ بازاری ژنان له‌ نێو دێموکراته‌کاندا گه‌رم نیه‌, بۆخۆت ئه‌مه‌ باش ده‌زانی ژنان وا مردووی پۆست و مه‌قامی حیزبایه‌تی نین پاشان بازاڕی فیمینیزم و میمینیزم هێنده‌ گه‌رم نیه‌ له‌نێو دێمۆکراته‌کاندا تاکوو ژنان به‌و ناوه‌ پێی بچنه‌ سه‌رێ. خۆ بۆخۆت و رووناکبیره‌کانی نێو دێمۆکرتیش باوه‌ڕیان به‌ فیمینیزم و ئه‌و شتانه‌ نیه‌ براکه‌م. هه‌ر له‌خۆت ده‌پرسم ئه‌و پیاوانه‌ی خه‌ریکی ته‌رجومه‌ و نوسین و مووسین و فه‌رهه‌نگ و مه‌رهه‌نگن چه‌نده‌یان باوه‌ڕیان به‌ ژنان و قه‌ڵه‌می ژنانه‌؟ ئه‌وه‌ هه‌ر خۆت پێت وایه‌ هیچ ژنێک شآیسته‌ی ئه‌وه‌ نیه‌ قه‌ڵه‌م به‌ ده‌سته‌وه‌ بگرێ، ئه‌گه‌ر گرتیشی ده‌بێ بڵێن ئه‌وه‌ حه‌مه‌ی مێردی بۆی ده‌نووسێ.
مستۆ|15 Mar 2011 - 14:44
دەک دەبەر پوورت مرم رەسووکە
شێخی|15 Mar 2011 - 13:05
سڵاو ده‌سته‌کانت خۆش.
دیالۆگێکی جوانه‌
من سپاسی پوورت ده‌که‌م که‌ له‌ پێوه‌ندیه‌کی کورتدا ئه‌م هه‌موه‌ زانیاریانه‌ی خوڵقاند ،
باوه‌ر بکه‌ هه‌یه‌ له‌ هه‌موو ژیانیدا ئه‌وه‌نده‌ زانیاری به‌رگوێ نه‌که‌وتووه‌ که‌ به‌ر گوشی ده‌که‌وێ ده‌بێ به‌ کۆمیتکه‌ی نا.....
سپاست ده‌که‌م و هیوای به‌رده‌وامی له‌ نووسینی و کاره‌کانتدا
aso javidnia|15 Mar 2011 - 08:14
slaw u rez bo kak rasuli barez.
dastt narze bo babati nusiwta, balam persyarek, to bley bradaran baw bayana blarzen? purt lerada bota nwenari bradaranek ka dangyan bo bashdari la sfra rangawrangakan dafroshn. har biji u dastt xosh....!
pem wabe meryam xan ron u piwazakay sutawa boya wa turaya.
ره‌سووڵ سوڵتانی|15 Mar 2011 - 08:11
سڵاوێک بۆ هه‌موو بۆچووننووسه‌کان به‌ تایبه‌تی کاک ئه‌یوب و کاکی پێشمه‌رگه‌

له‌پێشدا کاک ئه‌یوب گیان: ئه‌و ته‌نزه‌ به‌راستی هیچ نیشآنه‌یه‌کی ناڕه‌زایتیی منی له‌ کۆنفرانسدا پێوه‌ دیار نییه‌ و زیاتر ناڕه‌زایه‌تییه‌کان له‌ پێکهاته‌ی رێبه‌رییه‌که‌مان نیشان ده‌دا. دوای ئه‌وه‌ش من خۆم به‌ نووسه‌ر ده‌زانم و به‌ هه‌قی خۆشمی ده‌زانم به‌و زمانه‌ی که‌ تایبه‌ت هیی خۆمه‌ بنووسم بۆشم گرنگ نییه‌ کێ پێی هه‌ڵده‌به‌زێته‌وه کێ قاقا ده‌کێشێ له‌ هه‌مووانیش بێ منه‌تم نه‌ سه‌ری تۆ. فشه‌شم به‌ پله‌ و پایه‌ی حیزبایتی دێ له‌گه‌ڵ ئه‌وه‌دا که‌ شانازی به‌ حیزبی دیموککراتی کوردستانه‌وه‌ ده‌که‌م له‌گه‌ل هه‌موو که‌موکورتییه‌کانی. ئه‌گه‌رچی ده‌زانم وای لێدێ له‌وه‌ زیاتر ته‌حه‌مولم نه‌که‌ن و پاڵێلم پێوه‌ بنێن به‌هه‌ر حاڵ ئه‌وانیش هه‌قی خۆیانه‌ ئه‌گه‌ر تاقه‌ت نه‌هێنن گه‌ردنیان ئازاد بێ.
من خۆزگه‌ ده‌خوازم رێبه‌رایه‌تییه‌کم هه‌بێ بتوانین له‌ هه‌موویانه‌وه‌ شت فێر بین<<<


بۆ کاکی پێشمه‌رگه‌ی به‌ڕێز
سپاس بۆ بۆچوونه‌که‌ت هاوڕێ، زۆر به‌داخم که‌ فه‌رمووته‌ نه‌یارمی. هیوادارم ئه‌و کرده‌وه‌یه‌ی من که‌ تۆی کردووه‌ته‌ نه‌یارم شیاوی لێبوردن بێ و له‌ نه‌یاره‌وه‌ لانیکه‌م ببیته‌ موخالیفم چوونکه‌ نه‌یاربوون باش نییه‌ و موخالیف قسه‌ی له‌گه‌ڵ دێ به‌ڵام نه‌یار به‌س یه‌کتری ده‌کوژن و ئیزنی ژیان به‌ یه‌کتری ناده‌ن منیش حه‌ز ناکه‌م نه‌ پێشمه‌رگه‌ بکوژم و نه‌ پێشمه‌رگه‌ش بمکوژێ به‌س له‌ کوشتنی جاشان دڵنیابه‌ ده‌ستم نه‌له‌رزێ و بزه‌ی سه‌ر لێوم ناڕه‌وێته‌وه‌. له‌گه‌ڵ ئه‌وه‌دا هێشتا چۆله‌که‌یه‌کیشم نه‌کوشتووه‌.

چاوت ماچ ده‌که‌م ده‌توانین سوڵحێکی بکه‌ین هههههههههههههههه
پیشمه رگه|15 Mar 2011 - 06:32
کاک ره سولی به ریز سلاو ده ست خوش بو ئه و بابه ته جوانه هه ر چه ند من یه کیک له نه یارانی توم به لام ده ست خوشیت لی ده که م چونکه راستیه کانت به و شیوه ته نزه روون کردوته وه منه له گه ل نه زه ری کاک کمال قازی موافقم که ده لی ئه و داوه بو خونا رشتومانه راست ده کا که ئیمه ی کاه ر و پیشمه رگه ی حیزب وه دوای قه ول و به لینه کانی ریبه رایه تی نه که وین ته نیا بو ده نگ دان بو بو دانی مه سئولیه ت ئه وانیش ناتوانن سواستفاده له به ده نه حیزب بکه ن تکا له هه موو نوینه رانی کونگره ده که م به چاویکی داواله بچنه کونگره چاویک به کار و کرده وه ی ئه و چه ند ساله ی ریبه رایه تی ده بخشینن و به ویزدانه وه ریبه رایه تیکی کارامه بو حیزبه که مان هه لبژیرن. هه ر چه ند زوربه ی ده و نوینه رانه ی بو کونگره راییان هیناوه تهوه بیسه واد ن به تایبه ت نوینه رانی پیشمه رگه سه تحیان زور له خوارییه.......... خه تاکه شی بال به ستوی ریبه رانی حیزب..........
ایوب رحیمیان|15 Mar 2011 - 01:23
کاک ره‌سول سڵاو کاک پوری جه‌نابه‌ت سووکه‌ خزمایه‌تیه‌کی له‌ گه‌ڵ من هه‌یه‌ به‌ش به‌ حالی خۆم پێم ناخۆشه‌ وای لێده‌که‌ی.
کاک ره‌سول ئیمه‌ش کۆنفرانسمان گرت وئه‌وه‌ 4جاره‌ له‌ کۆنفرانس دا به‌ش داری ده‌که‌م یه‌ک جاریان له‌ گه‌ڵ جه‌نابت پێکه‌وه‌ بوین که‌ ئه‌و کات زۆر له‌م جاره‌ نارازی تر بووی ئه‌م جار باشترشتیکت تێداهێشتۆته‌وه‌ به‌لام جاری پێشوو له‌مه‌ش خراپ ترت ده‌گووت.جا ئه‌وه‌ خۆی ته‌بیعه‌تی کۆنفرانس وکۆنگره‌یه‌ هه‌موو رازی نایه‌نه‌ ده‌رێ پیم وایه‌ تۆش ئه‌فسری نارازی ( باما به‌ از ان باش که‌ باخلق جهانی) ئاواتم به‌س سه‌رکه‌وتنته‌ له‌ هه‌موو بوارێک دا زۆریش دوور نیه‌ ئیشاالله‌ تۆش رۆژێک له‌ سه‌تحی ریبه‌رایه‌تی ئه‌م حیزبه‌ ده‌بینین
که‌ردار|14 Mar 2011 - 13:32
مامه‌ ره‌سوو قه‌یناکا گورچووی مام ئۆمه‌رت بێڕیوه‌ به‌ڵام خۆزگه‌ پوورت پرسیارێکیشی لێ کردبای و ناچار بووبای به‌و زمانه‌ خۆشه‌ت باسی شه‌پۆلی کادرسازیشت کردبا و گوتبایه‌ت
_ خه‌مت نه‌بێ پوورێ گیان ئێستا کادیرم، مانگی رابردوو به‌ په‌له‌په‌ل پۆله‌ پێشمه‌رگه‌یه‌کیان کرده‌ کادیر دووبه‌شمان ناوی خۆمان نه‌ده‌زانی بنووسین. جا ده‌زانی چۆنیشیان کردینه‌ کادیر، به‌و مه‌رجه‌ی له‌ کۆنفرانس و کۆنگره‌شدا به‌ ئیشآره‌تێکی خاوه‌ن شکۆکانمان چیی ئه‌وان بیفه‌رموون بیکه‌ین و چۆنی بفه‌رموون ده‌نگێ بده‌ین.

ماڵم قه‌بره‌ ئه‌وه‌ت که‌مه‌ جا ئیدی بۆ

هههههههههههههه

ده‌ست خۆش
خالید|14 Mar 2011 - 11:43
سڵاو له‌ کاک ڕه‌سووڵی به‌ڕێز
بریا پوورت زمانی سووتا با ده‌گه‌ڵ ڕۆن و پیوازه‌که‌ی! چوونکه‌ ده‌یوێست دڵساردت بکاته‌وه‌ و ده‌نگت به‌رێته‌وه‌ ناو قووڕگت و خه‌فه‌ت بکات.

ده‌نگی باش و وریا زامنی سه‌رکه‌وتنه‌کانه‌ له‌ هه‌ڵبژاردن دا
ده‌نگی شاره‌زا و لێهاتوو خوڵقێنه‌ری چاکسازی و پڕکه‌ره‌وه‌ی بۆشایه‌کانه
سه‌رکه‌وتوو بی
پیواز|14 Mar 2011 - 10:28
سڵاو به‌ڕێزان
سپاسی هه‌ر هه‌مووتان ده‌که‌م به‌ موافیق و مخالیفه‌وه‌

به‌س به‌زه‌ییم به‌ کاک ئۆمه‌ر دادێ زۆر گوناحه‌ پللاره‌که‌ وه‌بن هه‌نگڵی که‌وتووه‌ و گورچووی بڕیوه‌ به‌سه‌ری به‌بی هۆردوکمان

داده‌ مرێمیش به‌سته‌زمانه‌ لێی حاڵی نه‌بووه‌ بچێ هێلکه‌ورۆنه‌که‌ی لێ نێ و وریابێ رۆن و پیوازه‌که‌ی نه‌سووتێ له‌و نه‌زه‌دانه‌ باشتره‌

ئاخر تۆ که‌ نازانی نه‌زه‌ر و شتی وا به‌ جوانی بده‌ی قسه‌ی بێجێ بۆ ده‌که‌ی خوشکی من تۆخودا نه‌زه‌ر و هه‌رچی ویستت بیده‌ی باشی بده‌

شه‌نده‌
هاورێ|14 Mar 2011 - 09:15
ده‌ ست خۆ ش کاک ره‌ سول سوڵتانی بۆ ته‌ نزه‌ که‌ ت به‌ راستی پر معنایه‌ بڵێی به‌ دڵی رێبه‌ رایه‌ تی بێت داو‌اله‌ پوره‌ مریه‌ میش ده‌ که‌م چاوێک له‌ ته‌ نزه‌ که‌ بکاته‌ وه‌
dlshad jamshidi|14 Mar 2011 - 05:23
کاک ره‌سول ده‌سته‌کانت خۆش بێتن! زۆر عالت نوسیوه‌و راستییه‌کانت باس کردووه‌، ئێژن قسه‌ی هه‌ق ره‌قه‌... بۆیه‌ هێندێک که‌س که‌ فێرن به‌ناحه‌ق خۆری‌ توره‌ن لێت.
خۆلاسه‌ براله‌ نه‌که‌ی بچیه‌ کوونگره‌و شتی وا ئه‌ترسم کۆنت تێ‌بکه‌ن‌و ده‌نگیشت نه‌ده‌نێ...
خۆلاسه‌ ئه‌م کونکه‌ره‌انه‌ زۆر که‌سیان کون کردووه‌ ئاگاو له‌ خۆت بێتن.
سه‌رکه‌وتو بی‌و سلاو له‌پورت بکه‌
دلشاو
سه‌ید خدر . م|14 Mar 2011 - 04:18
ده‌ستی کاک ره‌سوڵ خۆش بێ کاکی برا ئه‌وه‌ی راستی بێ حیزبی دێموکراتی کوردستان پاش له‌ت بوون زۆر هه‌ڵسوراوانه‌ هاته‌ مه‌یدان و ئه‌لحه‌ق له‌ پرێک بوو به‌ کورێک ، زۆر زوو خۆی کۆ کرده‌وه‌ له‌ ئاستی ته‌شکیلاته‌ ئاشکراو نه‌هێنێکان دا له‌ نێو خۆی ولاتیش زۆر ئازایانه‌ توانی خۆی له‌گه‌ڵ خه‌باته‌ مه‌ده‌نی و خوێندکاری و ان جی ئۆ یه‌کان رێک خاو ببێته‌ جێی باوه‌ر و متمانه‌ ،خه‌لکی وشیارو ئاگاش رۆژ به‌رؤژ باشتریان ناسی و پێی پشت ئه‌ستوور بوون ،هه‌ر بۆیه‌ له‌ نێو خۆی وڵات ئاستی چاوه‌روانێکان زۆر له‌وه‌ زیاترن که‌ حیزب خۆی له‌ وانه‌یه‌ هه‌ستی پێ بکا ، ئه‌وه‌ راستێکه‌ قه‌ت حاشای لێ ناکرێ حیزبی وشیار رێبه‌رایه‌تی وشیاری گه‌ره‌که‌ ، به‌ده‌نه‌ی هه‌ڵسوری ده‌وێ ،چون بیسه‌ر و گوێگری تێگه‌یشتوو پێ گه‌یشتوی هه‌یه‌ ، من پێم وایه‌ ئاستی رێبه‌رایه‌تی حیزب له‌ کۆنگره‌ی داهاتودا ده‌بێ ئاستی وشیاری وزاناییان له‌ سه‌رێ بی یانی راده‌ی خوێندنیان له‌ پله‌ی باڵادابێ ، با رێبه ری حیزب له‌ 15 نه‌فه‌ر بۆ خوارێ بێ خۆ قیامه‌ت رانابی ،ئه‌وده‌مه‌ که‌ ته‌کان و جموجۆڵ ، چالاکی و تێکۆشان له‌ راده‌ی به‌رز دا خۆ نیشان ده‌دا ،هه‌تا ریبه‌ری که‌متر بکرێته‌وه‌ ئه‌رکه‌کان زۆرتر ده‌بن و حیزب توند وتۆڵ تر دێته‌ مه‌یدان ، به‌ر پرسایه‌تێکان له‌ روی زه‌وابیته‌وه‌ بن ، ئه‌لحه‌ق به‌ زمانێکی وه‌ستایانه‌ بۆ کێشه‌کان چویه‌ هیوادارم حیزب به‌ هه‌مو پێک هاته‌کانه‌وه‌ دوو فاکتوری دیالۆگ و ره‌خنه‌ بکه‌نه‌ بنه‌مای خه‌باتی شار وشاخ دڵنیام ده‌یان لاوی هه‌ڵسوری وه‌ک کاک ره‌سوڵ له‌روی دڵسۆزی و هه‌ست به‌ به‌رپرسایه‌تی کردن له‌ گنخاندنی دیارده‌ گه‌لێکی وه‌ک هه‌ڵبژاردنی نابه‌جێ و ئه‌رک دار کردنی هیندێک که‌سی بێ توانا و گوێ نه‌گرتن له‌ ویستی که‌سانی چالاک له‌ قاو ده‌ده‌ن ، ئه‌وانه‌ و ده‌یان گله‌یی وگازه‌نده‌ی دیکه‌ که‌ ره‌نگه‌ له‌ داهاتودا بینه‌ به‌ر باس ، هه‌مویان بۆ چاکسازی و به‌ توانا بونی حیزبه‌ و دێموکراتییه‌ت بوونی حیزبی دێموکراتی کوردستان ده‌سه‌لمێنن .
برایم-ق|14 Mar 2011 - 04:03
کاکه‌ ره‌سوو!
ده‌ست و چاوت خۆش بێ ، باشت دارشتووه‌، شوێن گێری چاکی ، ته‌ماڵی وات دیوه‌ته‌وه‌ به‌ که‌س نادۆزرێته‌وه‌ ، ده‌ستت خۆش
سۆهراب|14 Mar 2011 - 02:49
سڵاو کاک ره‌سوول:
ده‌ستخۆش بۆ ئه‌م نووسینه‌ جوانه‌ت. به‌ڵام ئه‌م هاورێیانه‌ی که‌ پێی قه‌ڵسن تکایه‌ با به‌ جوانی بیخوێننه‌وه‌ و لێی حاڵی بن. ئه‌م نوسینه‌ بۆ باشتر بوون و به‌ره‌و پێشچوونی حیزبه‌ و دووپاته‌ نه‌کردهنه‌وه‌ی هه‌ڵه‌کانیه‌تی. به‌ داخه‌وه‌ ئه‌م هه‌ڵه‌ به‌ر چاوانه‌ له‌ گشت حیزبه‌کان دا هه‌یه‌ جا که‌ به‌ زمانی خؤش جوام نه‌درایه‌وه‌ ده‌بێت که‌ به‌م جۆره‌ بۆیان بنوسرێت.
دوباره‌ ده‌ست خۆش کاک ره‌سوول به‌ڵام به‌راستی ئه‌و پووره‌ی تۆش عه‌جه‌ب عجوبه‌یه‌که‌. شتی وا باس ده‌کات .
فایه‌ق مه‌حموودی|14 Mar 2011 - 00:19
سڵاو برای به‌ڕێزم کاک ره‌سووڵ سوڵتانی ،
ئه‌و ده‌سته‌ت خۆش بێ و قه‌ڵه‌مت هه‌روا به‌ بڕشت بێ ، حه‌قیت خۆت داوه‌تێ به‌و وه‌زعه‌ قۆڕه‌ی که‌ هه‌یه‌ ، یاره‌ببی ده‌م خۆش....!
جه‌مال نه‌جاری|13 Mar 2011 - 23:54
سڵاو و ده‌ستخۆشی بۆ هاورێم کاک ره‌سووڵ سووڵتانی
له‌ گه‌ڵ ئه‌وه‌ی که‌ ده‌مێکه‌ کاک ره‌سووڵ ده‌ناسم و ده‌زانم چه‌نده‌ خه‌مخری پرسه‌ سیاسییه‌کان و پرسه‌ نه‌ته‌وه‌ییه‌کانی وڵاته‌که‌مه‌ له‌ هه‌مان کاتیشدا هه‌میشه‌ ستایشی ئه‌و زمانه‌ ره‌خنه‌ ئامێزه‌ی ده‌که‌م که‌ هه‌وڵی ئه‌وه‌ ده‌دا به‌ زمانی ئه‌ده‌بی و به‌ ونوسینی بابه‌تێکی ته‌نزئامێز گۆڕان له‌ حزب و گۆڕان له‌ کۆمه‌ڵگه‌ و گۆڕان له‌ سیاسه‌تدا درووست بکات....
من باش ده‌زانم که‌ ده‌یان گه‌نجی باشی وه‌ک کاک ره‌سووڵ له‌ ماوه‌ی ئه‌و 65 ساڵ خه‌باته‌ی حزبی دیموکراتد چۆن که‌وتنه‌ په‌راوێز و ئاواره‌ی هه‌نده‌ران بوون و وایان لێهات هه‌ر باسی سیاسه‌ت نه‌که‌ن که‌چی له‌پاڵ ئه‌مه‌دا ده‌یان که‌سی ناتێگه‌یشتوو و نه‌خوێنده‌وار به‌رپرسایه‌تی حزبیان که‌وته‌ ئه‌ستۆ و ره‌سووڵ گوته‌نی: بوومه‌ کولی فیکول
دیاره‌ له‌ ئاستی رێبه‌رایه‌تیدا مرۆڤی باش و خوێنده‌وار و به‌ ئه‌زموون هه‌بوون و هه‌ن و ده‌شبن به‌ڵام به‌شی نه‌خوێنده‌واره‌که‌
ی گه‌لێک زیاتره‌ و ئه‌مه‌ش خه‌ساری له‌ رێبه‌رایه‌تی حزب داوه‌..
زمانی ته‌نز زمانێکی ره‌خنه‌ ئامێزه‌ و هه‌وڵی ئه‌وه‌ ده‌دات ده‌ست له‌سه‌ر خاڵه‌ لاوازه‌کان دابنێت.. شعووری ئینسانه‌کان بریندار ناکات به‌ڵام هه‌وڵ ده‌دات شعوورێکی له‌ رووی ئاگاییه‌وه‌ بخاته‌ به‌ چاوی بینه‌رو به‌ر گوێی بیسه‌ر.
پوور له‌م ته‌نزه‌دا به‌رده‌نگێکی خه‌یالییه‌ که‌ ره‌سووڵ به‌کاری هێناوه‌ و ده‌کرێ نموونه‌یه‌ک بێ بۆ هه‌زاران ژنی رۆژهه‌ڵات که‌ وا بیر ده‌که‌نه‌وه‌ و په‌رۆشی چاره‌نووسی حزبی سیاسی و داهاتووی خۆیانن و ئه‌گه‌ریش شاره‌زاییان له‌ ناسینی چه‌مکه‌کان نییه‌ به‌ڵام خۆی تێده‌هه‌ڵقورتێنن و ده‌بنه‌و هه‌وێنی نووسینێکی ته‌نزئامیز.
ئه‌م بابه‌ته‌ راستییه‌کانی حزبێکی سیاسی رۆژهه‌لات له‌ قاڵبی ته‌نزدا ده‌خاته‌ روو و ئه‌وانه‌ی له‌ ئه‌ده‌ب و ته‌نز ناگه‌ن وا تێده‌گه‌ن وتارێکه‌ له‌ دژی ئه‌وان نووسراوه‌ که‌ چی هێشتا چه‌مکی وتارو چه‌مکی ده‌قێکی ته‌نزئامیز لێک ناکه‌نه‌وه‌...
گه‌ڵانی جیهان به‌وه‌ سه‌رکه‌وتوون که‌ ره‌خنه‌ له‌ یه‌ک قبووڵ ده‌که‌ن.. دڵنیام ئه‌گه‌ر ره‌سووڵ له‌ وتارێکی سیاسیدا به‌ راشکاوی خاله‌ لاوازه‌کانی حزبی خستبایه‌ روو ئه‌و کاته‌ وه‌به‌ر تف و له‌عنه‌تی ژماره‌یه‌کی زۆر له‌و که‌سانه‌ ده‌که‌وت که‌ خۆیان له‌ ره‌سووڵ و ره‌سووڵه‌کانیتر به‌ کوردتر و به‌ خوێنده‌وارتر ده‌زانن.. ئاره‌زوو ده‌که‌م رۆژێک بێت فێر بین ره‌خنه‌کان قبووڵ بکه‌ین و دان به‌ هه‌ڵه‌کانمان بنێین و چیتر خه‌ڵکی تر تاوانبار نه‌که‌ین..
ده‌سته‌کانت خۆش هاورێم و قه‌له‌می نووسینت هه‌ر به‌رده‌وام بێت..
سێلەکە|13 Mar 2011 - 17:00
دەستت خۆش کاک رەسوڵ
ئەو هاوڕێیانەی لەم تەنزە تووڕە و ناڕازین، دوو هۆی هەیە:
یەکەم: لە زمانی تەنز ناگەن و نازانن کە تەنز بۆ ئەوەیە کە نووسەر بەربەستێکی لە پێشە کە ناتوانێ راشکاوانە بۆچوونی خۆی دەربڕێ و هەروەها خوێنەریش باشتر شتەکە وەردەگرێ
دووهەم: ئەو کەسە کەسێکە کە تەنزەکە رووی لە ئەوە. واتە کە دەیخوێنێتەوە هەست دەکا کە ئەوە باسی ئەو دەکرێ
ئامۆزا|13 Mar 2011 - 15:15
ره‌سول گیان! قه‌وه‌ت!
هه‌تی ئه‌و پووره‌ی تۆ وه‌ک ئاردی به‌هاروو وایه‌،هه‌موو جۆره‌ نانێکی لێدێ! به‌ خۆدای ده‌ترسم قه‌ده‌رێکی دیکه‌ له‌ سه‌ر مه‌نشووری بزووتنه‌وه‌ی سه‌وزیش له‌و حیکمه‌تانه‌ی پێ بێت .به‌ڵام خوا بکا ته‌شبیهی به‌ بیلامانێ هێندێک شوێنی جه‌سته‌ی خۆی نه‌کاا و ئه‌تۆ و رۆژهه‌ڵاتتایمز ناچار نه‌بن سانسۆری بکه‌ن!!
که‌ماڵ قازی|13 Mar 2011 - 14:11
سڵاو کاکه‌ ره‌سول هیوادارم که‌ به‌رده‌وام بی .ئه‌وه‌ی نوسیه‌ته‌ ١٠٠ ی ٩٩،٩٨ راسته‌ به‌ڵام بۆ خۆمان ئاوه‌که‌مان رشتوه‌ ،هیوادارم که‌ خه‌ڵک و هاورێیانی ناو حیزب ئه‌و جاره‌ گوێی نه‌ده‌ن به‌ سه‌ردانی مه‌سئولان و سه‌ربه‌خۆیی بریار دان و هه‌ڵبژاردنیان هه‌بێت و که‌سانێک هه‌ڵبژێرن که‌ به‌ راستی له‌ بواره‌کانی سیاسی و نیزامی دا شاره‌زا بن نه‌ک به‌ دعوه‌ت و ده‌عوه‌ت کردن و وه‌عده‌ و وه‌عید بێنه‌ سه‌ر.
دیسان ده‌ستت خۆش بێت.
که‌ماڵ قازی
طاهر|13 Mar 2011 - 13:46
حه‌مه‌ ره‌سول گیان ده‌ستت خۆش .دڵنیات ده‌که‌م که‌ هه‌ر که‌س به‌ خه‌می حیزبه‌وه‌ بی ام گفت گۆیه‌ی تۆ پوورتی زۆر پێ باشه‌ چونکه‌ کووتنی راستی یه‌کان له‌ قازانجی حیزب دایه‌ .یاخوا خوا ده‌ست به‌ باڵی تۆش و پووریشته‌وه‌ بگر بۆ اوه‌ی که‌ وه‌ک اوێنه‌ هه‌ڵه‌کانمان بۆ ده‌ست نیشان بکه‌ن .[بنووسه‌ کۆمه‌ڵی بێ ره‌خنه‌ گر مردووه‌ ]
لاس|13 Mar 2011 - 13:15
کاک ره‌سوول کاکه‌ گیان من قسه‌ی جه‌نابتم وه‌رگرت، باشه‌ کاکه‌ جه‌نابت رێگا چاره‌ت بۆ کۆنگره‌ی حیزب چیه‌؟کاکه‌ من و به‌رێزتان ئه‌ندامانی حیزب باش ده‌ناسین کاکه‌ گیان ئه‌وانه‌ی من و جه‌نابت پێمان باشه‌ له‌ رێبه‌رایتی حیزب دابن و به‌رپرسایه‌تی حیزب وه‌ربگرن یان ئاماده‌ نین به‌رپرسایه‌تی وه‌ربگرن یا ئه‌وه‌ ده‌بینین له‌ ده‌ره‌وه‌ی ولاتن. چاره‌ جێه؟‌ خۆ ناکرێ حیزب بێ ساحب و بێ که‌س بێ، خۆ ناکرێ داهاتووی ده‌یان کادر وپێشمه‌رگه‌ وسه‌دان ئه‌ندام و لایه‌نگری حیزب له‌ ده‌ره‌وه‌ی ولات وبه‌ هه‌زاران هه‌وادار له‌ نێوخۆی ولات به‌ که‌سانیکی نامسئۆل بسپێردرێ، خۆ له‌ کۆنگره‌ی چارده‌ کۆمه‌لێک لاوی به‌ توانا بوونه‌ رێبه‌رایه‌تی حیزب به‌لام هه‌ر ئه‌وان بوونه‌ هۆی ئه‌وه‌ که‌ ئه‌مرۆکه‌ ئه‌ندامانی حیزب فوو له‌ دۆ بکه‌ن چونکه‌ به‌ شیر جارێک زاریان سوتاوه‌. به‌هه‌ر حال ئێمه‌ هه‌موو مان پێکه‌وه‌ ده‌توانی حیزبێک دروست بکه‌ین که‌ حیزبی هه‌موومان بێ و هه‌موو لایه‌ک خۆمانی تێدا ببینه‌وه‌، مه‌یدان هه‌یه‌ به‌لام مه‌یداندار نیه‌، حیزب ده‌رگای له‌سه‌ر پشته‌ بۆ هه‌ر ئه‌ندامێکی حیزبی که‌ شانه‌ی وه‌بردا وله‌نگه‌رێکی حیزب بگرێ، کاک ره‌سوول گیان حیزب دوای کۆنگره‌ی چارده‌ی هه‌ولی داوه‌ کار به‌ کارزان وکه‌سانی لێوه‌شاوه‌ بسپێری به‌لام ئه‌وه‌ که‌سانی لێوه‌شاوه‌ن که‌ خۆ له‌ کاری حیزبی و وه‌رگرتنی به‌رپرسایه‌تی حیزبی ده‌سارنه‌وه‌.
له‌گه‌ل ریزم بۆ جه‌نابت و پوورت
لاس
مرچ و مۆن|13 Mar 2011 - 13:00
نووسه‌رێک وتوویه‌تی ته‌نز دڕوویه‌که‌ وه‌بن کلکی که‌ری ده‌ده‌ی کاک ره‌سووڵ گیان ناره‌حه‌ت مه‌به‌ ئه‌گه‌ر جنێویشت بده‌نێ

دڵنیا به‌ ته‌نیا ئه‌و که‌سانه‌ پێی ناڕه‌حه‌تن که‌ تیره‌که‌ ده‌یانگرێته‌وه‌ و خۆیان له‌ یه‌کێل له‌و خاڵانه‌دا ده‌بیننه‌وه‌. به‌س کاک
ره‌سووڵ قسه‌ی خۆمان بێ ئه‌و حیزبه‌ی من یناسم له‌سه‌ر ئه‌و قسانه‌ ئه‌گه‌ر دڕووشت وه‌بن کلکی نه‌دا توێکڵه‌مۆزێکت له‌ بن پێیان داده‌نێ و ته‌حه‌مولت ناکا کاکه‌ ئه‌توو شۆخیان ده‌که‌ی یان ده‌گه‌زی؟
به‌خوا به‌زه‌ییم پێتدا دێته‌وه‌

به‌س تۆخوا مه‌چۆ کۆنگره‌ ده‌تته‌زێنن له‌وێ تا خاوه‌نی ئه‌و زمانه‌ش بی قه‌ت نابیته‌ رێبه‌ری من بۆخۆم ده‌نگت ناده‌مێ................
ژیلەمۆ|13 Mar 2011 - 12:51
زۆر جوان بو. هیوادارم نمونەی وەک تۆ هەر زۆر بن و ئەندامانی رێبەرایەتی حیزبیش ئەو وتارە بخوێنەوە وهەر ئەوە نەبێ لەو گوێیە وەریبگرن و لەو گۆێیە فرێی دەن. هەر بژی.
مام ئاسؤ|13 Mar 2011 - 12:45
كوره به قوربانى ده سته كانت بم.وه لاهه مووى راسته به س ته له فوونه كه ى بووريت نازانم ؟؟؟؟؟؟؟؟؟؟؟؟
Sheyma palani|13 Mar 2011 - 12:36
سڵاوت لێ بێت به‌رێز سوڵتانی ده‌ست خۆشیت پێده‌ڵێم بۆ نووسینه‌که‌ت. له‌گه‌ڵ ئه‌وه دا که به شێوازێکی خۆشت نووسیوه، باسێکی یه‌کجار جالیبت وورووژاندوه، له سه‌ر یه‌ك سایکۆلۆجیا کۆمه‌ڵگه‌ی کوردی به‌ گشتی و پاشخانی مه‌عریفی وه هه‌روه‌ها سیستمی به‌ڕێوه‌ چوونی کاری حیزبه کورده‌کانت خستۆته‌ ژێر پرسیار، هاوکات هێز و فکری خزمایه‌تی و به‌رژه‌وه‌ندخوازی له نێوان سه‌رکرده حیزبیه‌کانت داوه‌ته به‌ر رێژنه‌ی بیری ئاوێنه‌ی ئه‌م سه‌رده‌مه. چه‌ند مولاحزاتێك که له سه‌ر نووسینه‌که‌ت له لام درووست بوو بۆتانی ده‌نووسم هیوادارم به دڵی فراوان وه‌ری بگریت.
١. نووسینه‌که‌ت هه‌ر چه‌ند شێوازێکی ئیرۆتیکی پێوه‌ دیاره، به‌ڵام نه‌قسی زۆره له کاتی وه‌ڵامدانه‌وه‌ی خۆت به پوورت له زمانی ئیرۆتیکی. واته گه‌ر کاره‌کته‌ری دووه‌م نه‌بێت ئیرۆتیک نیه‌ ئه‌م نووسینه. ده‌کرا له شی کردنه‌وه‌کانت بۆ پورت ئه‌و زمانه زیاتر زمانی ئیرۆتیکیت به‌ کار بهێنایه.
٢. له ڕووی فکری به‌ڕیوه‌چونین کۆنگره‌ و کۆنفرانس ته‌نیا ڕخنه‌ت له سیستمه‌که هه‌یه نه‌ك کاری سیستمه‌که، ده‌کرا کاره‌کته‌ری سه‌رکرده حیزبیه‌کانت دوای هه‌ڵبژاردنی کۆنگره‌ و کاره‌کان و درووشمه‌کانیان به‌شێکی دیکه با له قسه‌کانت بۆ پوورت. بۆ نموونه باسی سیکولاریزم ده‌که‌ن به‌ڵام به قران ئێستاش رادیۆکانیان ده‌که‌نه‌وه. واته ازدواجیه‌تی کاره‌کانیانت له شه‌خسیه‌تیان دا هه‌لبکێشایه.
٣. ئه‌وه‌ی که مرۆڤه‌کان ده‌بنه سێبه‌ر بۆ یه‌کتری وه‌ستانێکی جدیت له سه‌ر بکردایه. که بۆ ئه‌ندامانی کۆمه‌ڵگا زوو باوه‌ڕ ده‌که‌ن و زاهیر په‌ره‌ستی هه‌یه. نموونه وه‌ك شکڵی خۆت یان ته‌رزی قسه‌ کردنت یان تایبه‌تمه‌ندیه‌کی خۆت. مه‌به‌ستم خاڵه‌کانی C w D
جارێکی دیکه ده‌ستت وه‌ش
له‌ گه‌ڵ ڕێزم
محه‌ممه‌دی فه‌قێ عه ...|13 Mar 2011 - 12:05
ته‌نزێکی به‌ قه‌ولی کوردی باشور ده‌ڵێن به‌ قوه‌ته‌، ده‌ست خۆشیت پێده‌ڵێم.
به‌ڵام پێم ناڵێی، بۆوا له‌ پوره‌کانت داهێناوه‌؟ من هه‌ڵه‌یه‌کی بچوکی تێدا ده‌بینم ئه‌ویش ئوه‌یه‌ پورت به‌ شه‌و ته‌له‌فۆنی کردوه‌ و پێم وایه‌ وه‌ختی ڕۆن و پیوازی ته‌واو بوه‌، سه‌رتا و کۆتایه‌که‌ی لانیکه‌م بۆ من ناته‌بان له‌ گه‌ڵ یه‌کتری، ئه‌گه‌ر سه‌رتاکه‌ت کردبا ئێواره‌، یان کۆتایه‌که‌ت کردبایه‌ شتێکیتر، بۆنی خۆشتر ده‌بوو.
له‌ گه‌ڵ ڕێزم
عومه‌ر|13 Mar 2011 - 11:53
کا حه‌مه‌ ره‌سوڵ، ئه‌مه‌ شۆقی بیره‌ رۆشنه‌که‌ته‌ ؟
..........
بابه‌ گیان بێ حوڕمه‌تی سنووریشی هه‌یه‌ ، ئه‌وه‌ی جه‌نابت ده‌یانفه‌رمووی له‌ خانه‌ی ئازادی به‌یان دانییه‌ ، به‌ڵکوو ده‌خانه‌ی به‌رهه‌للای به‌یان بێ ئه‌ده‌بی ته‌واو دایه .
sulaiman ahmadnajad|13 Mar 2011 - 11:45
کاك رەسووڵ سڵاو دەستەکانت خۆش.
بەڕاستی بابەتەکەت کە دوو بەشی سیاسی و کۆمێدی تێدا بەرچاو دەکەوێ رووحت وەبەرھێناوە،
وە و ئینسان لەخوێندنەوەی لەزەت وەردەگرێت. چوونکوو ھەم کۆمێدییەکەی ھەست بزوێنەو
ھەم بەشەسیاسی یەکەی واقعیەتە،دەبێ بڵێین بە تیرێک ٢ دوو نیشانەت پێکاوە.
ھەرسەرکەوو تووبی بۆ ڕاستگۆییت.
سولەیمان ئەحمەدنژاد.
mirdy purt|13 Mar 2011 - 11:39
تۆش كه‌ بێكار ده‌بیت ده‌ست ده‌كه‌ی‌ به‌ نووسینی‌ شتی‌ بێ‌ مانا و .پوورت ده‌كه‌یته‌ ده‌ڵقه‌ك و...... .
هێژا|13 Mar 2011 - 11:38
ره‌سووڵ به‌ خوڵای‌ به‌ زمانی‌ پوورته‌وه‌ هه‌م له‌باره‌ سیاسییه‌كه‌وه‌ له‌ بنی‌ كووله‌كه‌كه‌ت داوه‌ و هه‌میش شاكاریكی‌ ته‌نزت خولقاندووه‌ كه‌یفم به‌ زمانه‌ پاراو و پوخته‌كه‌ت هات
قه‌ڵه‌مت به‌ بڕشت، ده‌ست خۆش جوان بوو، جوان بوو....
سلیمان|13 Mar 2011 - 11:29
ده‌ ستت خۆش بێ کاک ره‌ سو ل . من له‌ سه‌ ر ئه‌ و باوه‌ ره‌ نیم که‌ پورت لێت حالی ببێ .ئه‌ گه‌ ر به‌ و شتا نه‌ ش نه‌ گه‌ ی و تی ڤی یه‌ که‌ شت بۆ دا نه‌ نرێ . بۆ ئه‌ وه‌ ی که‌ دڵی جه‌ نابت نێیه‌ شێ له‌ سه‌ تحی خواره‌ وه‌ ی حیزبیش دابی کا رێکی وات بۆ دیاری ده‌ که‌ ن که‌ له‌ سه‌ تحی ئه‌ وان دا بتوانی بریار بده‌ ی به‌ و شه‌ رته‌ ی به‌ رژه‌ وه‌ ندیه‌ کان بپارێزی. یا خه‌ ونێک ده‌ بینن و تۆ ده‌ بی به‌ یوزارسیف و خه‌ ونه‌ که‌ ته‌ عبیر ده‌ که‌ یه‌ و ده‌ بی به‌ وه‌ زیری ....
با وه‌ ر بکه‌ کاک ره‌ سوڵ بومه‌ له‌ رزه‌ که‌ ی ژاپۆن وای کردوه‌ که‌ به‌ م زستانه‌ گوله‌ به‌ رۆژه‌ کان شین ببن
ره‌زا|13 Mar 2011 - 10:13
هههههههههههههههههههه
هههههههههههههه

راستێکانت باس کردوه‌
رسول سولَتاني|13 Mar 2011 - 09:54
به‌ ئاواته‌وه‌م به‌ ناوی خۆتانه‌وه‌ بۆچوونه‌کانتان بنووسن وه‌ڵڵاهی جنێویش بێ له‌که‌س ناره‌حه‌ت نابم به‌ڵێنتان پێ ده‌ده‌م

چاوتان ماچ ده‌که‌م
azad|13 Mar 2011 - 08:34
یەکودووی ناوێ، جوانت نووسیبوو بەڵام خۆزگە پیوازەکەی نەدەسووتا ....
سه‌ریاس|13 Mar 2011 - 08:28
ده‌س خۆش به‌ هیوای بابه‌تی باشترو به‌هێزتر، هیوادارم کۆنگره‌ی پانزده‌ی حدک له‌ ئاستی چاوه‌روانییه‌کانی کۆمه‌ڵگادا بیت.
هه‌ر بژیت کاکه‌ ڕه‌سووڵ
مریه‌م|13 Mar 2011 - 08:06
زۆر زۆر بۆ خۆم به‌داخم كه كاتی خۆم به خوێندنه‌وه‌ی ئه‌م وتاره بێ مانایه، به فیڕۆ دا....

تۆش ده‌توانی به‌شداریی له‌و باسه‌دا بکه‌ی به‌ مه‌رجێک:
- به‌شداریت پێوه‌ندیی به‌ ناوه‌رۆکی بابه‌ته‌وه‌ هه‌بێ نه‌ک ره‌خنه‌ له‌ که‌سایه‌تیی نووسه‌ران یان که‌سایه‌تیه‌کان
- زمانێکی وه‌هات به‌ کار نه‌هێنابێ که‌ رۆژهه‌ڵات‌تایمز به‌ بێ‌ڕێزی به‌ که‌س یان لایه‌نێکی تایبه‌تیی بزانێ






بگه‌ڕێوه‌


هه‌موو مافێکی ئه‌م ماڵپه‌ڕه پارێزراوه|بڵاوکردنه‌وه‌ی بابه‌ته‌کانی رۆژهه‌ڵات‌تایمز به‌ بێ ئاماژه به سه‌رچاوه‌ی بابه‌ت قه‌ده‌غه‌یه