RSS     Despek
ماڵه‌وه‌| هه‌واڵ| وتار| دیمانه‌| ئه‌ده‌ب‌وهونه‌ر| نووسه‌ران| له‌ مێدیاکانه‌وه‌‌| رۆژهه‌ڵات‌تایمز و خوێنه‌ران| په‌یوه‌ندی
30 July 2014
بگه‌رێوه‌| ناردن بۆ دۆستان‌| چاپ| 7470 جار بینراوه‌| 3 بۆچوون|

رۆژهەڵات تایمز بەدواداچوونی خۆی بۆ هەواڵی "دەسپێکردنەوەی خەباتی چەکداری" بڵاو دەکاتەوە

26 Aug 2013
avatar
رۆژهەڵات تایمز: دوای ئەوەی سایتی ئاوێنە لەژێر تیتری "حیزبی‌ دیموكراتی‌ كوردستان خه‌باتی‌ چه‌كداری‌ ده‌ستپێده‌كاته‌وە" راگەیەندراوێکی بە ناوی "کۆمیتەی ساخکەرەوەی حیزبی دێموکراتی کوردستان رێبەرایەتی شۆرشگێڕ" بڵاو کردەوە، رۆژهەڵات تایمز بەدواداچوونی بۆ هەواڵەکە کردو روون بۆوە کەوەها هەوڵێک لە ئارا دا نییە و هاوکات کۆمیتەکەش پشتی بە هێزێکی جیدی نەبەستووەو زیاتر هەوڵێکی یەک یان چەند کەسیە لە وڵاتانی ئوروپاییەوە.
لە بەشێکی راگەیەندراوەکەدا کە لە ماڵپەڕی "ئاوێنە"دا بڵاو کراوەتەوە هاتووە: "حیزبی‌ دیموكراتی‌ كوردستان رایده‌گه‌یه‌نێت، له‌گه‌ڵ ئه‌وه‌ی‌ كۆماری‌ ئیسلامی‌ ئێران خه‌ریكی‌ خۆ ته‌یاركردنه‌ به‌چه‌كی‌ قه‌ده‌غه‌كراو، به‌ڵام ئێستا له‌ رۆژهه‌ڵاتی‌ ناوه‌ڕاستدا له‌سه‌ردامێكدا ده‌ژین كه‌ تادێت ژماره‌ی‌ دیكتاتۆره‌كان كه‌م ده‌بێته‌وه‌. ئاشكراشیده‌كات بۆ رزگاری بزووتنه‌وه‌ی نه‌ته‌وه‌ی کورد له‌ رۆژهه‌ڵاتی کوردستان به‌شێوه‌ی رێکخستن خه‌باتی چه‌کداری ده‌ستپێده‌کاته‌وه".
نووسەر یان نووسەرانی راگەیەندراوەکە بەو جۆرەی ئاوێنە بڵاوی کردۆتەوە، روون نین‌و ئاوێنەش هیچ ئاماژەیەکی بە بوون یان نەبوونی وەها زانیارییەک لە لای خۆی نەکردووە.
لە بەدواداچوونێک دا بۆ وەرگرتنی زانیاری سەبارەت بەم کۆمیتەیە، ئەندامەکانیان و ئامانجیان، رۆژهەڵات تایمز پێوەندی کرد بە عیزەت پیرانی کە نیشتەجێی وڵاتی دانمارکەو ماوەیەکە خەریکی چالاکییە بۆ ساخکردنەوەی وەها کۆمیتەیەک‌و لە سەر تۆڕی فەیسبووکیش پەیجێک بەو ناوەوە کراوەتەوە. پیرانی کە خۆی بە یەکێک لە ئەندامانی کۆمیتەکە ناودەبا بڵاو کردنەوەی راگەیەندراوەکەی پشتراست کردەوەو وتی: ئەو سەردێرەی بۆ هەواڵەکە لە ئاوێنەدا نووسراوە، هەڵەیەو ئێمە تەنیا کۆمیتەی ساخکەرەوەمان راگەیاندووە. هەروەها ناوبراو سەبارەت بەو کەسانەی کە ئەندامی "کۆمیتەی ساخکەرەوەی حیزبی دێموکراتی کوردستان، رێبەرایەتیی شۆرشگێر"ن ئامادە نەبوو هیچ زانیارییەک بدا.
هەر لەدرێژەی بەدواداچوونی ئەم راگەیەندراوەدا، رۆژهەڵات تایمز پێوەندیی بە چەندین کەس لە ئەندامانی پێشووی رێبەرایەتیی شۆرشگێرو ئەندامی ئێستای حیزبی دێموکراتی کوردستانەوە گرت‌و سەبارەت بە کاردانەوەیان پرسیاریان لێکرا کە سەرجەم ئەو کەسانە رایانگەیاند کە ئەمە هەوڵێکی تاکە کەسییەو هیچ بنەمایەکی رێکخستنی لەپشتەوە نیە.
بڵاوبوونەوەی هەواڵی دەسپێکردنەوەی خەباتی چەکداری لە رۆژهەڵاتی کوردستان لە لایەن حیزبی دێموکراتی کوردستانەوە لە کاتێک دایە کە ماوەیەکە پێشمەرگەکانی ئەو حیزبە سەرقاڵی تاوتوێی رێکارەکانی دەسپێکردنەوەی وەها خەباتێکن. ئەوەش وای کرد کە لای هێندیک کەس هەر دوو بابەتەکە تێکەڵ بکرێن و لەم بارەوە پێشمەرگەیەکی ئاگاداری ئەو حیزبە لە روونکردنەوەیەک دا بۆ رۆژهەڵات تایمز بە توندی هێرشی کردە سەر ئەو راگەیەندراوەو رایگەیاند: که‌س یان که‌سانێکی نه‌ناسراو به‌ مه‌به‌ستی چه‌واشه‌کاری و هه‌روه‌ها به‌لاڕێدا بردنی بیروڕای گشتی له‌ په‌یوه‌ندیی له‌گه‌ڵ بووژانده‌وه‌ی خه‌باتی چه‌کداری له‌ژێر ناوی "کۆمیته‌ی ساخکه‌ره‌وه‌ی رێبه‌رایه‌تیی شۆڕشگێڕی حیزبی دێموکرات" راگه‌یه‌ندراوێکیان بڵاو کردۆته‌وه‌و وێڕای پێکه‌وه‌ گرێدانی دوو قۆناغی زۆر جیاوازی حیزبی دێموکرات، هه‌وڵی ئه‌وه‌یان داوه‌ که‌ زێڕینترین قۆناغی مێژوویی ئه‌م حیزبه‌ واته‌ کۆمیته‌ی شۆڕشگێڕی حیزبی دێموکرات ئاگایانه‌ له‌ گوتاردا بسڕنه‌وە. ئه‌م هه‌وڵه‌ دزێو و ئامانجداره‌ وره‌ و باوه‌ڕی رێبوارانی رێگه‌ی ئاواره‌و موعینی و شه‌ریفزاده‌ بۆ گوڕو تین به‌خشین به‌ خه‌بات و پێداگری سه‌رله‌ نوێ به‌ لۆژێکێی ئاوه‌زمه‌ندانه‌، له‌سه‌ر رێبازی راسته‌قینه‌ی حیزبی دێموکرات و ئامانجه‌ پیرۆزه‌کانی رێبه‌رانی شه‌هید قازی و قاسملوو و شه‌ره‌فکه‌ندی که‌م ناکاته‌وە.
حیزبی دێموکراتی کوردستانی ئێران- رێبەرایەتیی شۆرشگێر، دوای کۆنگرەی هەشتەمی حیزبی دێموکراتی کوردستان‌و لەبەهاری ١٩٨٨ی زایینی‌و لە ئەنجامی ناکۆکییە ناوخۆییەکانی ئەو حیزبە لە دایکبوو، بەڵام دوای چەند ساڵ‌و بە تایبەتی دوای بریاری کۆنگرەی دەیەمی حدکا بۆ لێکنزیکبوونەوەو سەرەنجام وەسەریەککەوتنەوەی دێموکراتەکان لە ساڵی ١٩٩٦ی زایینی ئەم دوو لایەنەی دێموکرات یەکیان گرتەوە.
ناردن بۆ تۆڕه‌ کۆمه‌ڵایه‌تی‌یه‌کان
Facebook| My Yahoo| Twitter| google| Balatarin Balatarin
ته‌راغه‌ی دوژمن شکین|27 Aug 2013 - 02:08
منیش ئه‌وانی خویان به‌ ریبه‌رانی شه‌ هید هه‌لاوسیوا زور له‌ شورشگیر بوون دوورن هه‌ریکی وه‌ک ئه‌وابوو حیزبی دیموکراتی کوردستانی توشی ئه‌و نه‌ هامه‌تی کردوه‌و ئه‌وی ئه‌و کومه‌یتی سازکردوه‌و زور له‌ هه‌له‌ دایه‌ ئه‌و حیزبی دیموکراتی کوردستان ده‌بی له‌ سه‌ر هه‌موو روداوکانی کوردستان هه‌تا جیهانیش ساغ بیته‌وه‌و من نوسینی ئه‌م بوچنم پی پیاویکی باش نیه‌ تنها خوینی ده‌ برینه‌کان ده‌ کات شورش و شورشگیری هه‌ر له‌ حیزبی دیموکراتی کوردستان جوانه‌ به‌ریبه‌رایتی کاک خالیدی عزیزی نه‌ ک ...............م
ع/ کوردوستانی|27 Aug 2013 - 01:32
٦٧و ٦٧ هەر ئەکاتە ٦٧ !؟ ئەرگەوایە ، ٦٧ ساڵی دن بیر بکەنەوە چبکەن؟دونیا سێڵاو بردی ئێوە وەها بزمار کوت کراون ناتوانن جوڵەتان بێ !
yousef|26 Aug 2013 - 17:24
باشترین کار بۆ ئه‌و دۆستانه‌ ئه‌وەیه‌ که‌ ڕێبه‌رایه‌تی شۆڕشگێڕ جارێکی تر ببووزێننه‌وه‌.ڕاستیەکی نکۆڵی لێنه‌کراوه‌ که‌ ئه‌و دۆستانه‌، د.قاسملوو، د.سه‌عید به‌ ڕێبه‌ری خۆیان نازانن. به‌ ناچاری وێنه‌کانیان له‌ بنکه‌کانیان هه‌ده‌واسن. له‌ ماڵی هیچکام له‌ ئه‌ندامانی ڕیبه‌رایه‌تی پێشوو، وێنه‌ی دوکتۆره‌کان نابینی هیچ ئه‌سڵه‌ن پێشیان خۆش نیه‌ ناویشیان ببیسن! ئه‌و دۆستانه‌ وه‌ک شیعه‌کانیان لێ هاتوه‌، که‌ چۆن سێ خه‌لیفه‌که‌ی دیکه‌ به‌ خه‌لیفه‌ ناناسن.ده‌مێنێته‌وه
هاوڕێیانی مامۆستا، ئاونیش ده‌توانن ده‌گه‌ڵ حیزب تێکه‌ڵ ببنه‌وه‌.

تۆش ده‌توانی به‌شداریی له‌و باسه‌دا بکه‌ی به‌ مه‌رجێک:
- به‌شداریت پێوه‌ندیی به‌ ناوه‌رۆکی بابه‌ته‌وه‌ هه‌بێ نه‌ک ره‌خنه‌ له‌ که‌سایه‌تیی نووسه‌ران یان که‌سایه‌تیه‌کان
- زمانێکی وه‌هات به‌ کار نه‌هێنابێ که‌ رۆژهه‌ڵات‌تایمز به‌ بێ‌ڕێزی به‌ که‌س یان لایه‌نێکی تایبه‌تیی بزانێ





avatar
avatar
avatar

avatar
avatar
avatar
avatar
avatar
avatar
avatar
avatar
avatar
avatar


هه‌موو مافێکی ئه‌م ماڵپه‌ڕه پارێزراوه|بڵاوکردنه‌وه‌ی بابه‌ته‌کانی رۆژهه‌ڵات‌تایمز به‌ بێ ئاماژه به سه‌رچاوه‌ی بابه‌ت قه‌ده‌غه‌یه